Charles Henn is ’n beginselvaste en betroubare inwoner van Wyk 11, waar hy sedert 1986 woon. As jarelange inwoner ken hy die vyf dorpe van Langeberg en verstaan hy die behoeftes en uitdagings van die streek. Charles beskik oor waardevolle finansiële kennis en bestuursvaardighede, asook uitgebreide kennis van sport en sportfasiliteite. Hy glo in verantwoordelike, eerlike en doeltreffende bestuur en wil sy kennis en ervaring tot diens van die gemeenskap stel, met inwoners se belange en goeie kommunikasie as prioriteite.
“Ek glo inwoners verdien ’n raadslid wat bereid is om in raads- en ander vergaderings op te staan vir wat reg is. Ons moet realistiese eiendomsbelasting en bekostigbare water- en elektrisiteitstariewe nastreef, terwyl ons steeds goeie dienslewering verseker. Vir my is goeie bestuur onlosmaaklik van integriteit, aanspreeklikheid en oop kommunikasie. Ek wil ’n brug wees tussen inwoners, die raad en munisipale administrasie, sodat probleme opgevolg word. Ek glo bevoegde mense moet aangestel word en dat korrupsie nie geduld moet word nie.”
- Charles Henn
Kies hieronder.
Choose below.