Raadslid Annica Holtzhausen is die ‘n VF Plus kandidaat in Matlosana. Sy het ’n BA in Arbeidsverhoudinge en Psigologie, ’n Nagraadse Onderwyssertifikaat en ’n BEd Honneurs in Opvoedkundige Sielkunde aan die Noordwes-Universiteit voltooi. Sy is ’n geregistreerde berader en studeer tans vir ’n meestersgraad. Annica dien sedert 2021 as raadslid en het ervaring op komitees vir finansies, plaaslike ekonomiese ontwikkeling, markte en gemeenskapsdienste. Sy dien ook as Noordwes raadslede koukusvoorsitter, lid van die Federale Raad en Plaaslike Regeringskomitee. Sy is verbind tot verantwoordbaarheid, menseregte, gelykheid en toeganklike diens aan inwoners.
“Ek werk daagliks met inwoners se navrae en klagtes en weet dat goeie dienslewering by luister, opvolg en aanspreeklikheid begin. My agtergrond in arbeidsverhoudinge, sielkunde, konflikbestuur en openbare bestuur help my om mense én stelsels te verstaan. Matlosana benodig bevoegde personeel wat op meriete aangestel word, duidelike prestasiekontrakte en konsekwente gevolgbestuur. Ek inwoners gereeld oor vordering terugvoer gee, billike besteding bevorder en seker maak dat finansies, infrastruktuur en gemeenskapsdienste doelgerig saamwerk om sigbare verbetering te lewer. Só kan goeie bestuur weer vertroue in plaaslike regering herstel word.”
- Annica Holtzhausen
Kies hieronder.
Choose below.