Albert Nel is ’n ervare gemeenskapsleier wat sedert 1990 diensbaar in Bloemhof en omliggende gemeenskappe werk. Hy was deur die jare betrokke by die ouetehuis, landbou-unie, gemeenskapspolisiëringsforum, welsyn en die Diens van Barmhartigheid. Albert het ook op verskeie kerkrade gedien en vervul steeds gemeenskaps- en skakelverantwoordelikhede. Die afgelope vyf jaar dien hy as VF Plus-raadslid. Hy staan vir Christelike waardes, minderheidsregte, verantwoordbaarheid en ordentlike plaaslike bestuur. Sy lang diensrekord, betroubaarheid en praktiese kennis van inwoners se behoeftes maak hom ’n beginselvaste kandidaat wat verandering daadwerklik wil help bewerkstellig vir almal.
Lekwa-Teemane se herstel moet by diensbaarheid en verantwoordbaarheid begin. Inwoners betaal vir korrekte rekeninge, betroubare water en elektrisiteit, begaanbare paaie en ’n administrasie wat sy beloftes nakom. Ek wil sien dat elke afdeling duidelike teikens kry en kwartaalliks aan die publiek verslag doen. Diensverskaffers moet betyds betaal word en bestuurders moet aanspreeklik wees vir waarvoor hulle aangestel is. Ná jare se diens in kerke, landbou, veiligheid en welsyn weet ek gemeenskappe funksioneer wanneer mense verantwoordelikheid aanvaar. Ek sal aanhou druk vir eerlike bestuur en sigbare, praktiese resultate in elke gemeenskap
- Albert Nel
Kies hieronder.
Choose below.