Annemarie Roux is ’n VF Plusraadslid en energieke Rustenburgse sakevrou, moeder en praktiese gemeenskapsmens wat glo ’n mens rol jou moue op en maak ’n plan. As besigheidseienaar verstaan sy die werklikheid van droë krane, kragonderbrekings, foutiewe rekeninge en beloftes wat nooit uitgevoer word nie. Sy bring ’n direkte, oplossingsgerigte benadering en waardeer eerlike kommunikasie, verantwoordelike bestuur en dienslewering wat inwoners kan vertrou. Annemarie wil daaglikse frustrasies omskep in werkbare oplossings, met minder verskonings en meer sigbare optrede. Haar dryfkrag is hoop, orde en ’n beter Rustenburg vir almal
“Rustenburg se inwoners behoort nie elke maand te wonder of hulle waterrekening op ’n verkeerde meterlesing berus nie. Ek wil die invoering van elektroniese en voorafbetaalde watermeters bevorder, met deursigtige lesings wat inwoners self kan nagaan. Dit beskerm huishoudings teen verrassings, help die munisipaliteit om verbruik en lekkasies vinniger raak te sien en maak aanspreeklikheid moontlik. Saam met plaaslike dienssones en ’n vaste 24-uur-herstelteiken kan dit klagtes vinniger oplos. Vir my gaan goeie diens oor eenvoudige, praktiese stelsels wat reg werk, mense billik behandel en vertroue stap vir stap herstel.”
- Annemarie de Beer
Kies hieronder.
Choose below.