Suzette O’Bryan is oorspronklik van Tzaneen en woon al ongeveer 10 jaar in Lydenburg. Sy het Graad 10 aan Bosveld Akademie voltooi en het werkservaring as kassier, in sekuriteit en die voedselbedryf. Sy is ’n vinnige leerder, betroubaar, vriendelik en bereid om nuwe vaardighede aan te leer. Sy dien tans as Jeugdistriksverteenwoordiger vir Mpumalanga van die Vryheidsfront Plus. Haar passie is om jongmense te motiveer, te verenig en aan te moedig om aktief by hul gemeenskappe betrokke te raak.
“As kandidaat glo ek verandering begin wanneer gewone mense bereid is om op te staan en betrokke te raak. As Jeugdistriksverteenwoordiger wil ek jongmense bemagtig om saam te staan en ’n aktiewe rol in hul gemeenskappe te speel. Ons jeug staar uitdagings soos werkloosheid en infrastruktuurverval in die gesig. Ek wil hulle bewus maak van hul verantwoordelikheid en potensiaal om ’n verskil te maak. Ek is bereid om te leer, hard te werk en met toewyding te dien.”
- Suzette O’Bryan
Kies hieronder.
Choose below.