Shane Albertson is ’n 23-jarige jong man wat reeds vir ongeveer 20 jaar in Mokopane woon en ’n sterk verbintenis met die gemeenskap het. As deel van ’n nuwe geslag jong leiers wil hy aktief betrokke wees en ’n positiewe verskil maak. Shane glo in gelyke geleenthede en regverdige behandeling vir almal, ongeag ras. Hy is trots op sy Afrikaner-erfenis en staan vir die behoud van Afrikaans en Afrikanerkultuur. Sy visie is ’n veiliger, sterker Mokopane en ’n Suid-Afrika waar almal met hoop en sekerheid ’n toekoms kan bou.
“Ek is jonk, maar ek sal nie stilbly oor die toekoms van my generasie nie. Ek staan vir gelyke geleenthede, vir die behoud van my taal, kultuur en Afrikaner-erfenis, en vir ’n Mokopane waar elke inwoner veilig en met waardigheid kan leef. Ek glo daar is plek vir ons almal in Suid-Afrika, ’n land waar niemand op grond van ras benadeel word nie, waar jongmense weer hoop kan hê en waar die son oor elkeen van ons kan skyn.”
- Shane Albertson
Kies hieronder.
Choose below.