Pieter du Preez is reeds 41 jaar ’n inwoner van Stilfontein en dien sedert 2021 as VF Plus-wyksraadslid vir wyk 30. Hy is ’n voormalige mynwerker, fabriekseienaar en ervare gemeenskapsveiligheidsleier. Pieter was voorsitter van AfriForum se Stilfontein-tak en buurtwag, asook voorsitter van die plaaslike GPF. Hy het Stilfontein Covid-19 Food Assist gestig en dien in Lions International, waar hy van 2023 tot 2025 klubpresident was. Sy praktiese projekte sluit skoonmaakaksies, grassny, slaggatherstel, pyplyn- en rioolwerk, sinkgatrehabilitasie, kinderprojekte en daaglikse opvolg van munisipale klagtes in. Gemeenskapsdiens is sy daaglikse, praktiese roeping.
“Ek glo inwoners moet kan sien waar hul geld bestee word en watter verskil dit in hul eie wyk maak. My jare in buurtwagte, gemeenskapsorganisasies en as wyksraadslid het my geleer dat praktiese optrede vertroue bou. Wyk 30 benodig volgehoue onderhoud aan paaie, riool, waterlyne, parke en openbare ruimtes, met vinnige terugvoer oor elke klagte. Fondse moet regverdig na wyke terugvloei en gemeenskappe moet by prioriteite betrek word. Ek sal aanhou saamwerk, selfdoenaksies ondersteun en herstelwerk opvolg totdat sigbare resultate gelewer word. Só herstel ons Stilfontein saam, projek vir projek.”
- Pieter du Preez
Kies hieronder.
Choose below.