Lambertus Mans is die VF Plus-kandidaat vir Wyk 4 in Laingsburg en het diep wortels in die Karoo. Hy is ’n gekwalifiseerde ambagsman en het deur die jare verskeie leiersposisies in die landboubedryf beklee. Sy betrokkenheid by die sektor het hom ’n goeie begrip van die uitdagings van landelike gemeenskappe, boere en werkers gegee. Lambertus het hom ook tydens die droogtejare beywer vir droogtehulp aan boere en gemeenskappe.
“Ek glo in eerlikheid, geregtigheid en om mense billik en met respek te behandel. Gemeenskapsdiens moet vir my prakties wees en tot tasbare verbetering in mense se lewens lei. Ek wil my ervaring in die landbou en my kennis van landelike gemeenskappe gebruik om Wyk 4 en Laingsburg te dien. Ek wil saam met inwoners werk om plaaslike uitdagings aan te spreek en waar moontlik nuwe geleenthede vir ons gemeenskap te help ontsluit.”
- Lambertus Mans
Kies hieronder.
Choose below.