Johan Coetzer is die VF Plus-kandidaat vir Wyk 11 (Danabaai) in Mosselbaai. Hy was 34 jaar in die regsafdeling van die SANW werksaam en is ’n toegelate prokureur wat in arbeidsreg spesialiseer. Hy het ook ervaring opgedoen met grondeienaarsverenigings en munisipale geskille oor dienslewering, grondbelasting, heffings en rekeninge. Johan is die LWO Werkgewersorganisasie se Wes-Kaapse streeksverteenwoordiger. Hy woon die afgelope drie jaar in Danabaai en is getroud met Lazelle, met drie kinders en een kleinkind.
Ek wil die inwoners van Danabaai se belange verantwoordelik in die munisipale raad verteenwoordig. Ek staan vir billike grondbelasting, die aanspreek van onwettige heffings en munisipale rekeninge, asook behoorlike dienslewering. Ek sal inwoners se probleme by die betrokke owerhede aanmeld, die raad se prestasie monitor en munisipale amptenare aanspreeklik hou. Vir my is goeie verteenwoordiging nie net om probleme aan te meld nie, maar ook om terugvoering te gee en seker te maak dat inwoners weet wat met hul klagtes gebeur.
- Johan Coetzer
Kies hieronder.
Choose below.