Joanita Labuschagne is die ’n VF Plus se kandidaat in Matlosana. Sy is ’n ervare finansiële bestuurder met kwalifikasies in boekhouding, finansiële rekeningkunde, besigheidswiskunde en verskeie betaalstaat- en rekeningkundige stelsels. Joanita het in 2021 by die VF Plus aangesluit, die Orkney Sentraal-tak gestig en as voorsitter gedien. Sy het ook die Orkney Koöperatief-tak help vestig. Benewens haar politieke betrokkenheid dien sy haar derde termyn as president van die Orkney Lionsklub, is finansiële direkteur van TFR Chaplaincy en is opgelei as trauma-eerstehulpwerker. Sy verbind finansiële kundigheid met diensbare gemeenskapsleierskap.
“Matlosana se herstel begin by professionele finansiële bestuur, korrekte data en die verantwoordelike aanwending van elke rand. My ervaring in rekeningkunde, betaalstate, boekhouding en finansiële stelsels het my geleer dat klein foute vinnig groot verliese word wanneer beheer ontbreek. Ek wil help om verbruikersrekeninge te verbeter, invordering regverdig te versterk en moderne stelsels vir deursigtige verslagdoening te bevorder. Besparings moet na kritieke infrastruktuur in wyke terugvloei. In wyk 28 moet inwoners kan sien wat ingevorder, begroot, bestee en uiteindelik gelewer word. Deursigtigheid skep vertroue en maak verantwoordelike plaaslike regering moontlik.”
- Joanita Labuschagne
Kies hieronder.
Choose below.