Johannes Adriaan (Jandrie) Roux is ’n gevestigde inwoner van Wolmaransstad, praktiserende prokureur, stigtersdirekteur en VF Plus-raadslid in Maquassi Hills. Hy beskik oor ’n LLB-graad, ’n sertifikaat in insolvensiereg en ervaring in die korporatiewe landbousektor, waar hy met nakoming, kontrakte, skuldinvordering en arbeidsake gewerk het. Jandrie dien ook as tesourier en ondervoorsitter van Laerskool Wolmaransstad se beheerliggaam en as diaken. Sy regskennis, landboubegrip en ervaring met finansiële toesig maak hom ’n doelgerigte, mensegerigte kandidaat wat aanspreeklikheid kan afdwing, onder druk kan presteer en praktiese herstelvoorstelle deurvoer vir inwoners van Maquassi Hills.
“Maquassi Hills kan nie langer van krisis tot krisis bestuur word nie. Ons moet eers die ware finansiële en tegniese toestand bepaal, die dringendste water-, riool-, pad- en elektrisiteitsprobleme prioritiseer en elke maand eerlik oor vordering verslag doen. Ek wil ’n openbare prestasietelbord hê waarop inwoners kan sien wat herstel is, hoeveel geld bestee is en wie vir vertragings verantwoordelik is. Met streng toesig, ’n vaste instandhoudingsprogram en gevolgbestuur kan ons verseker dat elke rand werk, elke klagte geregistreer word en elke gemeenskap raakgesien word met volgehoue en eerlike leierskap.”
- Jandrie Roux
Kies hieronder.
Choose below.