Eva Abraham is die VF Plus-kandidaat vir Wyk 3 in Robertson. Sy het van 2011 tot 2016 as ‘n raadslid gedien en bring dus vorige ervaring in plaaslike regering na die tafel. Eva wil haar kennis en ervaring tot diens van die inwoners van Wyk 3 en die Langeberg gebruik. Haar fokus is op dienslewering, werkskepping, jeugontwikkeling en die aanspreek van wanbestuur, met integriteit, professionele optrede en Christelike waardes as riglyne.
“Ek onderneem om die inwoners van Wyk 3 getrou te verteenwoordig en my kennis en ervaring tot hul voordeel aan te wend. Ek staan vir dienslewering, werkskepping, aandag aan die jeug en die aanspreek van wanbestuur. Vir my is integriteit en professionele optrede nie onderhandelbaar nie. Ek wil ’n raadslid wees wat verantwoordelikheid aanvaar, na inwoners luister en hul belange op ’n eerlike en beginselvaste wyse verteenwoordig.”
- Eva Abrahams
Kies hieronder.
Choose below.