Elzanri Hamman is ’n inwoner van Wolmaransstad en VF Plus-kandidaat in Maquassi Hills. Sy het ’n BA Regte met Sielkunde en ’n LLB-graad aan die Noordwes-Universiteit verwerf en praktiseer sedert April 2026 as prokureur by Roux Botha Prokureurs. Haar ervaring sluit regsnavorsing, litigasie, bemiddeling, onderhandeling, probleemoplossing en strategiese beplanning in. Sy het ook landbou-ervaring, bestuur ’n perdebemarkingsonderneming en was by universiteitswerwing en fondsinsameling betrokke. Elzanri is energiek, akkuraat en oplossingsgerig. Sy werk goed onder druk, kommunikeer duidelik en wil inwoners se diensleweringsprobleme daadwerklik met praktiese oplossings, volharding en integriteit aanpak.
“Goeie dienslewering begin wanneer inwoners se probleme behoorlik aangehoor, geregistreer en opgevolg word. Ek wil hê elke waterlek, rioolprobleem, slaggat en rekeningklagte moet ’n verwysingsnommer, verantwoordelike persoon en duidelike sperdatum hê. My regs- en bemiddelingservaring het my geleer om feite vas te stel, verskillende partye bymekaar te bring en oplossings tot uitvoering te neem. Maquassi Hills het ook eerlike kommunikasie nodig wanneer dienste onderbreek word. Deur krities te dink, noukeurig op te volg en maandeliks terugvoer te gee, kan ons vertroue herstel en sigbare verbetering in elke gemeenskap begin lewer.”
- Elzanri Hamman
Kies hieronder.
Choose below.