Elardus Jacobsz is reeds nege jaar ’n aktiewe en bekende lid van die Vaalwater-gemeenskap.
Hy is passievol oor sy dorp en glo daarin om daadwerklik betrokke te raak om probleme op te los. Deur goeie samewerking met die Modimolle-Mookgophong Munisipaliteit en plaaslike inwoners het hy reeds verskeie gemeenskapsuitdagings suksesvol aangespreek.
As VF Plus-kandidaat beywer Elardus hom vir verbeterde dienslewering, verantwoordbare munisipale bestuur en ’n skoon, veilige omgewing. Sy doel is om Vaalwater op te bou tot ’n dorp waarop die hele gemeenskap weer trots kan wees.
“Ek staan nie vir leë beloftes nie, ek staan vir daadwerklike optrede. Vaalwater verdien betroubare dienslewering, verantwoordbare bestuur en leiers wat bereid is om moue op te rol. Ek wil saam met ons gemeenskap werk, oplossings vind en veg vir ’n dorp waarop ons weer met trots kan sê: Dít is ons Vaalwater, en dít is ons toekoms.”
- Elardus Jacobsz
Kies hieronder.
Choose below.