Drien Mare is ’n liefdevolle en ruimhartige steunpilaar in die Barberton-gemeenskap. Sy het in Komatipoort grootgeword en woon die afgelope nege jaar in Barberton. Drien was betrokke by die Kaapsehoop-kliniekkomitee en as rampbestuurkontak vir plaaslike boere. Sy bied opvoedkundige skooluitstappies aan, skenk klere aan die plaaslike Addiction Recovery Centre en ondersteun Bob’s Ouetehuis met plante en plaveiselherstel. Haar liefde vir Barberton en haar gemeenskap dryf haar om ’n verskil te maak.
“Ek is trots op Barberton, met sy ryk geskiedenis en unieke karakter. My missie is om te help om die dorp se infrastruktuur te herstel en die betowering van hierdie pragtige bergdorpie te laat herleef. As Christen glo ek dit is my verantwoordelikheid om mense in my gemeenskap te dien en hul welstand en veiligheid te bevorder. Selfbeskikking, verantwoordelikheid en om tot aksie oor te gaan, is vir my belangrike prioriteite.”
- Drien Maré
Kies hieronder.
Choose below.