Dewald Oberholster het in Bethlehem grootgeword en in 1970 aan Voortrekker Hoërskool gematrikuleer. Ná sy militêre diens en bevordering tot ’n senior militêre rang, het hy in 1979 ’n B.Sc.(QS)-graad aan die Universiteit van Pretoria verwerf. Hy het as bourekenaar gepraktiseer en 19 jaar by die KaNgwane Ekonomiese Ontwikkelingskorporasie gewerk. Hy is al 15 jaar by die Witrivier GPF betrokke, waarvan 10 jaar as voorsitter, en dien ook op die Laeveld Jagtersvereniging se Uitvoerende Komitee.
My doelwit binne die VF Plus is om billike en volhoubare dienslewering aan my gemeenskap te bevorder. Ek wil my ervaring gebruik om by te dra tot die verantwoordelike beplanning en bestuur van die munisipale begroting, sodat fondse doeltreffend vir noodsaaklike projekte aangewend word. Ek wil ook misdaad bekamp deur sterker samewerking tussen die SAPD en GPF, om ’n veilige, vreedsame en volhoubare omgewing vir Witrivier te help skep.
- Dewald Oberholster
Kies hieronder.
Choose below.