Danie Acker is ’n prokureur wat sedert 1993 in Wyk 10, Mosselbaai, woon en praktiseer. Hy is al drie dekades aktief by die gemeenskap betrokke en was onder meer voorsitter van die Mosselbaai Sakekamer en skoolbeheerliggame. Hy het ook op die buurtwagbestuur gedien en was bevelvoerder van ’n artillerieregiment met die rang van luitenant-kolonel. Danie dien sedert 2021 as VF Plus-raadslid en bring uitgebreide ervaring in plaaslike regering en gemeenskapsleierskap.
“Ek wil my ervaring gebruik om Mosselbaai te help bou aan ’n goed bestuurde, veilige en bekostigbare munisipaliteit. Inwoners en belastingbetalers moet eerste kom en waarde vir hul belastinggeld ontvang. Ek staan vir verantwoordbaarheid, deursigtigheid, redelike tariewe en verantwoordelike besteding. Plaaslike regering moet ekonomiese groei en werkskepping bevorder, onnodige rompslomp verminder en gemeenskappe beskerm. Ek wil ’n sterk en verantwoordelike stem vir inwoners wees en help verseker dat Mosselbaai se toekoms met sorg bestuur word.”
- Danie Acker
Kies hieronder.
Choose below.