Cecil Wait (61) is ’n trotse Suid-Afrikaner, sakeman, entrepreneur en toegewyde gemeenskapsleier. Hy glo daarin om mense nie net met raad nie, maar ook deur optrede te ondersteun. Sy Christelike geloof gee hom moed om uitdagings te trotseer, met die wete dat God in beheer is. Cecil het nog altyd hom beywer vir beter dienslewering en ’n sterker gemeenskap. Hy skroom nie om sy stem te laat hoor wanneer inwoners se behoeftes verwaarloos word nie. Sy leierskap word gekenmerk deur geloof, moed, aanspreeklikheid en ’n opregte verbintenis tot sy gemeenskap.
“In Dikgatlong is ek passievol oor diens en gemeenskapsontwikkeling. Ek verstaan die uitdagings waarmee inwoners te kampe het en is daartoe verbind om hul stem te verteenwoordig. Met my kennis van Dikgatlong-munisipale bestuur en ervaring as sakeman, beywer ek my vir aanspreeklikheid, respek en beter dienslewering. Ekl glo dat ware leierskap nie oor ’n titel gaan nie, maar om ander te ondersteun en daadwerklik ’n verskil te maak. My boodskap is eenvoudig: Wanneer ons saamstaan, omgee en optree, kan ons ’n sterker, veiliger en beter gemeenskap bou”.
- Cecil (Nols) Wait
Kies hieronder.
Choose below.