Burnadene Vos is 56 jaar oud en woonagtig te Keimoes vir meer as 6 jaar. Sy is ‘n direkteur van maatskappy in die sonkragbedryf, asook ‘n aptekersassistent die afgelope 28 jaar. Sy dien haar gemeenskap, onder andere deur middel van deelname aan die sakekamer. In haar vrye tyd boer sy met varke, want sy is lief vir die plaaslewe en vir diere. Sy sien haarself as ‘n eerlike en opregte mens. Sy wil haar tyd en aandag wy aan alles wat vir jare verwoes is. Dis nou tyd.
“My dorp Keimoes is in ’n erg verwaarlose toestand. Dit klink soos ‘n rympie, die strate is vol gate, die verkeersligte is omgery, die water ruik sleg en is ondrinkbaar. Die mense is op Sassa en sonder werk. Nie die ANC of die DA kon in al die jare ‘n verskil maak nie. My land is verwoes, geplunder en besteel, dit terwyl die opposisie toekyk en geen verskil maak nie. Ek is daardie persoon wat hierdie verskil gaan maak. Die Vryheidsfront Plus is my geleentheid om verbetering te bring.”
- Bürnadene Vos
Kies hieronder.
Choose below.