Mabhuti Archiebald Silere is die VF Plus-kandidaat vir Wyk 12 in Nduli, Ceres. Hy is ’n plaaslike entrepreneur, kerkleier en gemeenskapsmens en is die eienaar van Milukhanye Catering & Events. Sy onderneming ondersteun onder meer skoolprogramme en voedingsinisiatiewe. Mabhuti help ook inwoners met munisipale diensleweringskwessies soos elektrisiteit en water. As kerkleier bied hy emosionele en pastorale ondersteuning aan gemeenskapslede en dien hy tans as Wyk 12-sekretaris.
“Ek wil my ervaring as entrepreneur, kerkleier en gemeenskapsmens gebruik om die inwoners van Wyk 12 te dien. Ek wil fokus op effektiewe dienslewering, ’n plaaslike regering wat op inwoners se behoeftes reageer, jeugontwikkeling en ondersteuning aan kwesbare huishoudings. Ek glo ook dat plaaslike ekonomiese geleenthede en betekenisvolle betrokkenheid belangrik is. Ek wil saam met inwoners werk om probleme aan te spreek en ’n positiewe verskil in ons gemeenskap te maak.”
- Archie Silere
Kies hieronder.
Choose below.