Amber Morris is ’n jarelange inwoner van Klerksdorp en ’n VF Plus-kandidaat in Matlosana. Sy dien as Noordwes se onderjeugleier en is lid van die Provinsiale Dagbestuur, Jeugdagbestuur en Federale Raad. Amber werk as junior rekenmeester en beskik oor kennis van gedragswetenskap, besigheidskommunikasie en besigheidsbestuur. Haar betrokkenheid sluit veldtogte, tussenverkiesings, jeugontwikkeling en gemeenskapsprojekte in. Sy is bekend as ’n hardwerkende, toeganklike en waardegedrewe jong leier wat finansiële verantwoordbaarheid, eerlike bestuur en langtermynverhoudings met inwoners belangrik ag. Sy kombineer ’n rustige geaardheid met sterk werksetiek, aanpasbaarheid, kreatiwiteit en uitstekende kommunikasie.
“Ek glo jong mense moet nie net oor Matlosana se toekoms praat nie; ons moet help om dit verantwoordelik te bou. My ervaring in rekeningkunde, besigheidskommunikasie en jeugleierskap het my geleer dat goeie bestuur met akkurate inligting, eerlike terugvoer en aanspreeklikheid begin. Inwoners verdien korrekte munisipale rekeninge, makliker toegang tot hul verbruiksdata en duidelike antwoorde op navrae. Ek wil ook meer jong mense by gemeenskapsdiens en plaaslike regering betrek, sodat vars idees, moderne stelsels en volhoubare oplossings Matlosana vorentoe kan neem. Só bou ons vertroue en nuwe deelname onder inwoners.”
- Amber Morris
Kies hieronder.
Choose below.