Amber Booysen is ’n proporsionele raadslid van Swartland-munisipaliteit met vyf jaar se ervaring in plaaslike regering. As ’n gebore Swartlander is sy verbind tot haar gemeenskap en het sy 22 jaar se ervaring in aktivisme en gemeenskapsdiens. Sy is ’n gekwalifiseerde regsassistent en het deur verdere studie haar kennis van plaaslike regering uitgebrei. Amber is passievol oor sosiale ontwikkeling en beywer haar vir beter dienslewering, deursigtigheid en die ondersteuning van inwoners, veral kwesbare gemeenskappe.
“Ek staan vir ’n veilige, skoon, deursigtige en omgee-Swartland waar dienslewering nie ’n guns is nie, maar ’n reg. Ek wil steeds ’n beskikbare en toeganklike raadslid wees wat na inwoners luister en hul behoeftes eerste stel. Sosiale ontwikkeling is my passie, en ek wil help om uitdagings soos geweld, geslagsgebaseerde geweld, dwelmmisbruik, werkloosheid en behuising aan te spreek. Ek glo my 22 jaar van aktivisme en vyf jaar se ervaring in plaaslike regering gee my die kennis en vasberadenheid om voort te gaan om my gemeenskap te dien.”
- Amber Booysen
Kies hieronder.
Choose below.