Albert Hansen is die VF Plus-kandidaat vir Wyk 7 in Montagu. Hy het tussen Robertson en McGregor grootgeword en het as landboukundige by die Langeberg-inmaakfabriek in Ashton gewerk. Ná sy aftrede is hy die eienaar van Technocon in Montagu, waar hy elektroniese herstelwerk doen. Albert is sterk by sy gemeenskap betrokke, veral by die plaaslike ouetehuis, en dien tans op die munisipale raad en as takbestuurder van die VF Plus in Montagu.
“Ek glo diensbaarheid beteken om bereid te wees om prakties te help waar jy kan. Ek wil my ervaring en vaardighede gebruik om die inwoners van Wyk 7 te dien, na hulle te luister en probleme aan te spreek. My betrokkenheid by die ouetehuis het my geleer hoe belangrik dit is om mense met respek en omgee te behandel. Ek wil ’n raadslid wees wat daar is vir sy gemeenskap en bereid is om hande vuil te maak om te help.”
- Albert Hansen
Kies hieronder.
Choose below.