Matthys Jacobus van Tonder is ’n ervare VF Plus-raadslid en koukusleier in die JB Marks Plaaslike Munisipaliteit. Hy het ’n BA-graad in Sielkunde en Kriminologie verwerf en studeer verder in openbare projekbestuur en leierskap. Sy politieke ervaring sluit diens as wyksraadslid, distriksraadslid, hoofsweep en lid van MPAC in. In JB Marks dien hy op portefeuljekomitees vir gemeenskapsveiligheid, sport, kuns en kultuur. Matthys is ook betrokke by die VF Plus se provinsiale en federale strukture. Hy bring uitgebreide ervaring in politieke leiding, munisipale oorsig, strategie, veiligheid en gemeenskapsverteenwoordiging in openbare diens.
“Ervaring het my geleer dat goeie regering sterk leiding, deeglike oorsig en direkte aanspreeklikheid vereis. JB Marks se inwoners verdien ’n munisipaliteit wat veiligheid, dienslewering en verantwoordelike besteding eerste stel. Ons moet bestaande veiligheidsvennote, buurtwagte en gemeenskapsforums beter koördineer om misdaad, vandalisme en kabeldiefstal te bekamp. Terselfdertyd moet elke herstelprojek ’n verantwoordelike persoon, sperdatum en meetbare uitkoms hê. As koukusleier wil ek sorg dat probleme nie net bespreek word nie, maar opgevolg word totdat inwoners sigbare verbetering in hul strate en woonbuurte ervaar en weer trots op hul munisipaliteit word.”
- Matthys van Tonder
Kies hieronder.
Choose below.