Marlie Wolmarans woon al 35 jaar in Hendrina. Sy is ’n gekwalifiseerde apteekassistent en het 28 jaar in die aptekerswese gewerk, gevolg deur sewe jaar as bestuurder van ’n sekuriteitsmaatskappy met 80 personeellede. Sy is aktief betrokke by VF Plus, Solidariteit Helpende Hand en SAVF. Haar passie is om kinders, bejaardes en gesinne in nood te ondersteun en inwoners te help met diensleweringsprobleme.
“Ek glo ware gemeenskapsdiens beteken om daar te wees wanneer mense jou nodig het. My passie is om kinders, bejaardes en gesinne in nood te ondersteun en inwoners te help wanneer water, krag, riool of ander diensleweringsprobleme opduik. Ek wil ’n stem wees vir mense wat soms voel hulle word nie gehoor nie. Met eerlikheid, betroubaarheid en toewyding wil ek aanhou om ’n positiewe verskil in Hendrina te maak.”
- Marlie Wolmarans
Kies hieronder.
Choose below.