Kha ri fhaṱulule ḽa Afrika Tshipembe
Pulane ya fhaṱa ya FF Plus ṋekedza thasululo dzi shumaho na fulufhelo ḽa u fhaṱa u itela vhumatshelo ha khwiṋe. Zwi katela:
mivhuso ya madzangano manzhi ine ya dzudza ANC i siho muvhusoni na u imisa u wa ha zwithu ha zwino;
sisiṱeme ya maraga wo vhofholowaho i tshimbidzaho u vusuludza na u fhaṱulula;
u thoma muvhuso muṱuku wa vhukati u re n awa u mushumo u shandukisa matshilo a vhadzulapo;
u vusuludza muvhuso wapo;
zwitshavha zwo ḓiimisaho nga zwoṱhe sa zwipiḓa zwa u fhaṱa;
u bveledza pfanelo- dza ndayotewa dza zwitshavha u ya kha vhuḓiimiseli ha iwe muṋe sa thikho; na
u fhelisa theo ya mulayo ine ya sa khethulule u ya nga muvhala wa lukanda.
Manweledzo a Bembela ḽa Khetho ḽa FF Plus:
Bembela ḽa Khetho ḽa FF Plus na muhanga wa Mbekanyamaitele zwi shuma u fhaṱa pulane ya u tandulula thaidzo khulwane dza Afrika Tshipembe na u ḓisa mvusuludzo. Zwi tevhelaho ndi tshidziki tsha pulane iyi ya u fhaṱa:
U bveledza sisiṱeme ya mahaga wo vhofholowaho une wa vha na u swikelela zwikhala nga mahala.
U thoma muvhuso wa vhukati, muṱuku une wa vha na na dzhenelela huṱuku kha matshilo a vhadzulapo.
U bveledza muvhuso une vhathu vhoṱhe vha lingana phanḓa ha mulayo na u fhelisa vhuaḓa hoṱhe.
U fhelisa Nyito ya Khwaṱhisedzo yo ḓisendekaho nga murafho na maga a U maanḓafhadza Vharema kha Ikonomi sa maitele a u maanḓafhadza na u bveledza zwikhala zwi linganaho u itela vhathu vhoṱhe.
U vhona uri zwitshavha zwa dzitshakha zwi dzhiela nṱha pfanelo ya ndayotewa na vhudiimiseli ha iwe muṋe.
U thoma khoro dza zwitshavha.
U ṋekedza mavundu vhuḓivhusi vhunzhi.
U thoma sisiṱeme ya muvhuso wapo muṱuku une wa shuma wo sedzesa zwapo.
U thoma yunithi ya tsedzuluso dzo khetheaho u sedzulusa nyito dzi siho mulayoni kha vhaofisiri vha masipala – hu tshi katelwa u pfuka theo ya mulayo ya vhupo.
U fhungudza zwibviswa zwa muvhuso, u ita uri mabindu a muvhuso a vhe a phuraivethe; u engedza mbuelo ya muvhuso nga u nyanyula nyaluwop u ṋekedza luafhulelo kha muthelo, u thoma khomishini ya zwa masheleni.
U tsireledza pfanelo dza ndaka ya phuraivethe.
U bindudzela kha u khwiṋisa na u londota giridi ya pfukiselo ya muḓagasi; u livhana na u tswiwa ha muḓagasi na u khwiṋisa themamveledziso ya muḓagasi u ṱuṱuwedza u pfukela kha zwiko zwa fulufulu zwi vusuludzeaho, sa phaneḽe dza soḽa; u fhedzisa u khethekanywa ha Eskom ya vha zwiimiswa zwo fhandekanaho; u fhelisa u nangwa ha vhathu nga maimo kha zwa u ita laisentsi dza u bveledza muḓagasi wa phuraivethe na u sika vhupo ha ndaulo I takadzaho u itela u bveledza muḓagasi lwa phueaivethe na muṱaṱisano kha sekithara.
U khwinisa theo ya mulayo I thivhelaho u bveledza u sika mishumo musi hu khou londotwa nyito dza kushumele kwokwo; u sika vhupo havhuḓi u itela sekithara ya phuraivethe; u sika mishumo minzhi na u fhelisa nyito dzi sa nyrṱhi dza muvhuso dza u sika mishumo.
O londota maga a nṱha a pfunzo hune pfunzo ya luambo lwa ḓamuni I swikeleleaho nga vhoṱhe u swika kha ḽeveḽe ya nṱhesa na hone ine ya tshimbidzwa nga vhabebi na tshitshavha.
U bveledza ikonomi dzapo dzo ḓiimsaho u thoma Fhethu ha Ikonomi ho Khetheaho hu shumaho.
U shumisa tsireledzo ya mutengo, ṱhoḓisiso, thusi ya zwiqo na u fhaṱa themamveledziso ine ya vhuedza vhorabulasi vhaṱulu na vhahulwane.
U bveledza muhanga wa mbelanyamaitele ya vhupo na u shumisa zwavhuḓi theo ya mulayo wa vhupo u itela u sika maga avhuḓi a vhulimi vhu sa nyeṱhi, zwa maḓaka na maitele a vhureakhofhe.
U avhela kotare dza vhureakhofhe huṱuku kha zwitshavha zwa u mona na phendelalwanzhe u thivhela khmphani dzi shumisaho vhathu vhapo na u shumiswa ha vhathu nga nḓila I sa vhuedzi.
Shango ḽi tea u bva kha zwibveledzwa, maitele na zwiko zwa fulufulu zwine zwa tshinyadza vhupo; u litsha tshikafhadzo na u bveledza mbuedzedzo; u dzhiela nṱha mvusuludzo ya fulufulu; u ṋekedza luafhulelo lwa muthelo kha vhathu na mabindu ane a shumisa zwiṅwe zwiko zwa fulufulu.
U shumisa maga a u thivhela u ita soga na u bveledza mvusuludzo ya mavu ho no itwaho soga.
U livhana na vhuṱudzeṱudze ha sisiṱeme ya vhulamukanyi ha vhugevhenga u itela u fhelisa khakhathi dza mbeu na u tshipiwa.
U vhuedzedza mulayo na vhudziki nga u sika yunithi dzo sedzaho vhugevhenga, u hombokiwa ha vhana na vhathu, vhuugevhenga ho dzudzanywaho, vhugevhenga ha dzigennge, khakhathi dza dzigennge na u vhulahwa ha vhathu mabulasini.
U ṋekedza ndondolo ya mutakalo ya ndeme ho sedzwa vhukoni hu si tshanduko; u fhelisa ndangulo yo kalulaho ya zwikimu zwa dzilafho; u khwiṋisa themamveledziso ya mutakalo, u bveledza tshumisano vhukati ha sekithara ya mutakalo ya nnyi na nnyi na ya phuraivethe na u fhelisa Mulayotibe wa NHI.
U bveledza pfanelo dza luambo na u shumiswa ha nyombo nnzhi.
U fhaṱa vhushaka na mashango a nnḓa na u ṱhonifhana ho sedzeswa mashango ane Afrika Tshipembe ḽo no vha na vhushaka na u vha na tshumisani dzo khwaṱhaho dza vhubindudzi.
U khwaṱhisedza ndango ya mikano na u vhuedzedza tshirunzi tsha mikano ya shango ḽashu na u fhelisa zwa u dzheniswa ha thundu dzi siho mulayoni sa zwigidi na zwidzidzivhadzi, u mona na mikano ya ḽashu kathihi na u dzhena shangoni ḽashu zwi siho mulayoni zwi fhele.
Zwo sedzwaho
Bembela ḽa khetho ḽo sedza u fhaṱa pulane ine ya katela masia a fumi o sedzwaho kha khetho dza FF Plus.
U fhaṱa muvhuso muswa une wa dzhiela nṱha phambano na u bveledza vhuḓivhusi ha zwitshavha.
U fhelisa vhuaḓa na u thola u ya nga mahoro a polotiki u tandulula thaidzo ya muvhuso ya masheleni, themamveledziso ine ya khou wa na nḓisedzo ya tshumelo i sa fushi.
U vusuludza nḓisedzo ya muḓagasi i fulufhedzeaho.
U fhaṱulula ikonomi nga kha u bveledza maraga wa mahala, u sika mushumo na pfanelo dza ndaka ya phuraivethe.
U vusuludza mulalo na vhudziki, u dzhiela nṱha u tsireledzo na vhutshireledzi na vhadzulapo, na u khwaṱhisedza ndango ya mikano yo khwaṱhaho.
U vusuludza ndondo ya mutakalo ya ndeme nahone i swikeleleaho.
U vhulunga vhupo na zwiko zwa mupo nga kha mveledziso i sa nyeṱhi.
U bveledza pfunzo yo ḓisendekaho nga luambo lwa ḓamuni ya ndeme.
U sika maga ane a tenda zwa vhulimi, maḓaka na vhureakhofhe, hu tshi khou tsireledzwa zwiḽiwa.
U fhaṱa lupfumo nga kha u maanḓafhadza ha vhukuma hu songo ḓisendeka nga ṋyito ya u Khwaṱhisedza yo sedzaho murafho na mbekanyamaitele dza u Maanḓafhadza vharema – u bveledza u swikelela zwikhala hu linganaho.
