VF Plus verwelkom inhegtenisnemings na aanval op boer naby Potchefstroom

2020-08-27
Die Redaksie

"Die VF Plus verwelkom die inhegtenisneming van sewe verdagtes vir die aanval op mnr. André Marais op sy plaas buite Potchefstroom vroeër die week," sê Fanie du Toit, VF Plus-LP in die NRP.

"Die VF Plus bedank die lede van die verskillende polisie-eenhede wat onverpoos saamgewerk het om die aanvallers vas te trek.

 

"Hierdie samewerking tussen die polisiekantoor op Khutsong, die trio-taakspan, dwelm-eenheid en die plaaslike speurdiens, wys weer hoe suksesvol behoorlik gekoördineerde polisie-optrede is."

 

"Die rol van gemeenskapslede wat die aanvanklike leidrade aan die polisie verskaf het, is ook van onskatbare waarde.

"Hierdie soort optrede behoort die grondslag te vorm vir die polisie se landelike veiligheidsplan. Die VF Plus doen 'n beroep op die polisie om ook die spesialis-eenhede verder uit te bou en te versterk om te voorkom dat landelike gebiede in anargie en misdadigheid verval," sê du Toit.

NoordWesFanieDuToitPolisiePlaasaanvalPotchefstroom#BuurtEnPlaaswagtespesialis-eenhede

Het jy dit interessant gevind? Deel dit!