VF Plus-leier, dr. Pieter Groenewald, toets negatief vir Covid-19

2020-04-02
Dr Pieter Groenewald

Dr. Pieter Groenewald, leier van die VF Plus, is negatief getoets vir die korona-virus. Dr. Groenewald is gister getoets en het die uitslag vandag ontvang.

Die toets is onder meer laat doen nadat dr. Groenewald op 18 Maart op ʼn vergadering van politieke leiers in kontak was met eerwaarde Kenneth Meshoe van die ACDP. Eerw. Meshoe het intussen positief getoets vir die virus.

Dr. Groenewald het op mediese aanbeveling eers sowat twee weke gewag voordat die toets gedoen is om sodoende ʼn meer akkurate en geloofwaardige toetsuitslag te kry.

Volgens dr. Groenewald is hy dankbaar oor die negatiewe uitslag en hy doen opnuut ʼn beroep op alle Suid-Afrikaners om erns te maak met die siekte, om voorgeskrewe regulasies na te kom, om die inperkingstydperk te eerbiedig en om alle voorsorgmaatreëls moontlik te tref om hulself teen die virus te beskerm.


Kontaknommers: 083 627 4397 / 065 801 7216

DrPieterGroenewald#Covid19SA#Covid19SouthAfrica

Het jy dit interessant gevind? Deel dit!