Manifesto le Moralo wa Leano la FF Plus o sebetsa jwaloka moralo wa kaho bakeng sa ho rarolla mathata a Afrika Borwa a hatelletseng batho ka ho fetisisia le ho tlisa tsosoloso. Dintlha tse latelang ke tsona motheo wa moralo wa kaho:

• Ho phahamisa sistimi ya mmaraka o bulehileng le phihlello e lekanang ya menyetla.
• Ho theha mmuso o bohareng o monyane, o matjato o sa kenakeneng hakaalo maphelong a baahi.
• Ho phahamisa puso eo ho yona bohle ba lekanang ka pela molao le ho fedisa mefuta yohle ya bobodu.
• Ho fedisa Tokiso ya Tekatekano e thehilweng ho mmala wa batho le Matlafatsa ya Ekonomi ya ba Batsho; ho sebedisa maemo a tsa ekonomi le phedisano jwaloka makgetha bakeng sa matlafatso le ho phahamisa menyetla e lekanang bakeng sa bohle.
• Ho lemoha tokelo ya molaotheo ya ditjhabana ya boikemelo e ananelwang lefatsheng lohle.
• Ho theha makgotla a baahi.
• Ho fa diprovinse matla a ho ipusa.
• Ho theha sistimi ya mmuso wa mahae e nyane e shebaneng haholo mosebetsi wa mahae.
• Ho theha yuniti e kgethehileg ya diphuputso ho fuputsa diketso tse seng molaong tseo ho thweng di teng tsa basebetsi ba bomasepalala – ho kenyeletswa tlolo ya melao ya tikoloho.
• Ho fokotsa tshebediso ya tjhelete ya mmuso; ho etsa dikgwebo tseo e leng tsa mmuso e be tsa poraevete; ho eketsa lekeno la mmuso ka ho tsosolosa kgolo ya moruo; ho fokoletsa batho lekgetho; le ho theha komishine ya taolo ya ditjhelete tsa mmuso.
• Ho sireletsa ditokelo tsa thepa ya poraevete.
• Ho tsetela ntlafatsong le polokong ya keriti ya phetiso ya motlakase; ho shebana le boshodu ba motlakase le ho sireletsa moralotheo wa motlakase; ho kgothaletsa phetohelo ho mehlodi ya eneji e ntjhafaditsweng, e kang diphanele tsa solar; ho phethela ho arola Eskom ho ba dikarolo tse fapaneng; ho fokotsa melawana e sa hlokahaleng ya bureyokerasi e amanang le ho fana ka dilaesense tsa phehlo ya motlakase wa poraevete; le ho bopa tikoloho e lokileng ya taolo bakeng sa phehlo ya motlakase ya poraevete le tlhodisano sekthareng.
• Ho fetola melao ya basebetsi e thibelang e le ho phahamisa ho thewa ha mesebetsi empa ho ntse ho bolokilwe ditshebeletso tse se nang leeme tsa basebetsi; ho bopa tikoloho e lokileng bakeng sa sekthara ya poraevete ho theha mesebetsi e mengata; ho fedisa tshebetso e sa tshwarelleng ya mmuso ya ho theha mesebetsi.
• Ho boloka maemo a hodimo a thuto moo thuto ka puo ya lapeng e fihlellehang ho bohle ho fihlella maemong a hodimo kamoo ho ka kgonehang, mme e laolwa le ho susumetswa ke batswadi le setjhaba.
• Ho bopa diekonomi tsa mahae tse ikemetseng le ho theha Dizouno tsa Ikonomi tse Kgethehileng tse sebetsang (Special Economic Zones).
• Ho kenya tshebetsong tshireletso ya tharifo, dipatlisiso, kimollo ya qomatsi le ho aha moralotheo ho tswela borapolasi ba boiphediso le ba kgwebo molemo.
• Ho bopa moralo wa leano o loketseng tikoloho le ho hatella ka katleho molao wa tsa tikoloho ho bopa maemo a matle bakeng sa ditshebetso tse tshwarellang tsa temothuo, meru le botshwasi ba ditlhapi.
• Ho aba dikhouta tsa botshwasi bo bonyane ho ditjhabana tse phelang haufi le lewatle, mme ho ntse ho thibelwa dikhampani tsa bomenemene le tshebediso e mpe.
• Naha e lokela ho sutha ho dihlahiswa, ditshebetso le mehlodi ya eneji e senyang tikoloho; ho tlohela tshilafatso le ho phahamisa ho resaekela; ho behella pele eneji ya ntjhafatso; ho fana ka kgutliso ya tjhelete ya lekgetho(rebates) bakeng sa batho le dikgwebo tse sebedisang mehlodi e meng ya eneji.
• Ho kenya tshebetsong mehato ya ho thibela ho fetoha lehwatata le ho phahamisa tlhabollo ya mobu moo mahwatata a seng a etsahetse.
• Ho shebana le dikgaello tse ho sistimi ya toka ya tsa bosenyi ho fedisa dikgoka tse nammeng tse theilweng ho bong le peto.
• Ho kgutlisetsa molao le toka ka ho bopa diyuniti tse kgethehileng bakeng sa bosenyi ka dikgoka, ho hweba ka bana le batho, bosenyi bo hlophisitsweng, dikgoka sa maqulwana (gang), ho hweba ka dithetefatsi le dipolao tsa borapolasi.
• Ho fana ka tlhokomelo ya Bophelo bo botle ya boleng ka ho behella pele botsebi ho ena le phetoho; ho fedisa taolo e tlotseng ya dikema tsa thuso ya bongaka; ho ntjhafatsa moralotheo wa tlhokomelo ya Bophelo bo botle ya setjhaba; ho theha tshebedisano dipakeng tsa sekthara ya mmuso le ya poraevete tsa tlhokomelo ya Bophelo bo botle; ho hlakola Bili ya NHI.
• Ho phahamisa ditokelo tsa puo le botemengata.
• Ho aha dikamano tsa matjhaba mabapi le tlhomphano le ho behella pele dinaha tseo Afrika Borwa e ka bang le kapa e seng e ena le maqhama a matla a kgwebisano le tsona.
• Ho nnetefatsa taolo e sebetsang ya meedi e tlang ho kgutlisa seriti sa meedi ya naha ya rona le e tlang ho fedisa metsamao ya thepa e seng molaong, e kang dihlomo le dithetefatsi, hore di se fete meeding ya rona esitana le bojaki bo seng molaong.