ITlhatlha loMgomo ne-Manifesto ye-FF Plus linikela ngeqhinga lokwakha ekurarululeni imiraro eqinileko yeSewula Afrika mayelana nemvuselelo. Okulandelako ngokuqakathekileko eqhingeni leli lokwakha:

• Ukuthuthukisa ihlelo elitjhaphulukileko nokufikelela ngokulingana emathubeni.
• Ukuthoma urhulumende ophezulu nomncani ongangeneleli khulu eempilweni zabahlali.
• Ukuthuthukisa ubujamo lapho omunye nomunye alingana khona ngaphambi komthetho godu kususwe zazozoke iindlela zobukhohlakali.
• Ukuphelisa Ukuqatjhwa ngobuhlanga ne-Black Economic Empowerment; ukusetjenziswa kobujamo bezomnotho wehlalakuhle yabantu njengendlela yokunikela amandla nokuthuthukisa amathuba alinganako kwabantu boke.
• Ukukhumbuza imiphakathi ngamalungelo wabo akumthethosisekelo owamukelwa liphasi loke wokuzibusa.
• Ukusungula imikhandlu yemiphakathi.
• Ukunikela ngomazibusa eemfundeni.
• Ukutlama aborhulumende abancani bombuso wemakhaya ngomnqopho oqaliswe emisebenzini yombuso wemakhaya.
• Ukuthoma ikoro ekhethekileko yezokuphenya ezokuphenya izenzo ezingasisemthethweni zabasebenzi bakamasipala – kufaka hlangana ukuphula umthetho wezebhoduluko.
• Ukuphungula iimali ezisetjenziswa mbuso; ukwenza bona amabubulo karhulumende azijamele, ukungezelelea imali yerevenyu yombuso ngokukhulisa umnotho; ukuphungula umthelo; nokutlanywa kwe-fiscal commission.
• Ukuvikelwa kwamalungelo wepahla yomuntu.
• Ukusisa ekukhibeleleni nekulungiseni igridi yehlelo lemitanto yegezi; ukurarulula ukwetjiwa kwegezi nokuvikeleka komthangalosisekelo wegezi; ukukhuthaza ukutjhugulukela kezamandla ezisetjenziswa ngokubuyelelwa (ama-renewable energy resource), njengamasola phaneli; ukusebenzana nokufezakalisa ihlelo lokuhlukanisa i-Eskom ngeegaba nofana ngamabubulo; ukuphungula ikambisomthetho eriyadisako ehlobene nokunikelwa kwelayisensi yokuphehlwa kwegezi yageqadi nofana ezijameleko; begodu nokwenza ibhoduluko langokomthetho lokuphehla igezi yangeqadi nofana ezijameleko godu nephaliswano emkhakheni wegezi.
• Ukukhibelela umthetjhwana wezabasebenzi okhandelako ukuze kuthuthukiswe ukwakhiwa kwemisebenzi ngesikhathi kusasetjenzwana nemigomo yezabasebenzi engathathi ihlangothi; ukwakha ibhoduluko elivumela amabubulo azijameleko ukwakha amathuba wemisebenzi eminengi; ukuqeda indlela karhulumende engakasimami yokwakha imisebenzi.
• Ukugcina izinga eliphezulu lezefundo lapho ifundo ngelimi lekhaya ukhuthazwa khona godu ifikeleleka khona mumuntu woke ukufikela ezingeni eliphezulu khulu ngendlela ekukghonakala ngayo, begodu kube yinto yomphakathi neseengazini.
• Ukwakha umnotho ozijameleko ngekhya nokwakha iiNdawo eziKhethekileko zemiSebenzi yezomNotho.
• Ukusebenza ngevikeleko yamatharifu, irhubhululo, ukusiza ehlekeleleni nokwakha umthangalosisekelo ukuzuzisa abosorhebo nabosolimi berhebo abasimamileko.
• Ukuthuthukisa itlhatlha lomthethomgomo osebenzisekako nokukatelela ngefanelo umthetho wezebhoduluko ukuze uvumele ubujamo bemisebenzi ezokuzuzisa zokulima nokutjala, amahlathi nezokuthiya.
• Ukwabela ngeenquntu zeendawo zokuthiya iinhlambi emiphakathini ngemalwandle wethu, ngesikhathi kukhandelwa ukusebenziselwa butjhulweni makhampani.
• Inarha kufanele ikhambele kude nemikhiqizo, izenzo neentlabagelo zezamandla ezona nofana ezibhidliza ibhoduluko; kujanyiswe ukusilaphazwa kwebhoduluko nokuthuthukisa ukusetjenziswa kwezinto ngokubuyelelwako; ukubeka phambili zamandla ezibuyelelwako; ukuphulelwa umthelo kwabosorhwebo nabantu abazenzela iindlela zokuphehla amandla.
• Ukusebenzisa iindlela zokukhandela ukulaliswa kwamasimu neendaswo ezinothileko nokuthuthukiswa kokubuyiselwa kwehlabathi ebekade ithathelwe nofana imukiwe.
• Ukurarulula umraro wehlelo lezobulelelsi ngokuqeda inturhu yangekhaya nokudlwengula.
• Ngokuvuselela umthetho nokuthula ngokwakha amayunidi akhethekileko alwisana nobugebengu, nokukhukhuthiswa kwabantwana nabantu, iinqhema zenturhu, ukukhukhuthiswa kweendakamizwa nokubulawa kwabalimi.
• Ukunikela ngetjhejo lezamaphilo ngokubeka phambili ubukghoni kunetjhuguluko; ukujamisa ukubusa ngokudluleleko iinkimu zezokwelapha; ukukhibelela imithangalosisekelo yetjhejo lezamaphilo; ukwakha ubudlelwano hlangana kwamabubulo wezetjhejo lezamaphilo womphakathi nazijameleko; ukususa i-NHI Bill.
• Ukuthuthukisa amalungelo welimi nobuliminengi.
• Ukwakha ubudlelwano bangaphandle ngehlonipho nokubeka phambili iinarha ezinobudlelwano neSewula Afrika nofana kutlanywe ubudlelwano obuqinileko bezerhwebo nezinye iinarha.
• Ukuqinisekisa ilawulo elifaneleko emikhawulweni elibuyisa isithunzi emikhawulweni yenarha yekhethu begodu ilawulo eliqeda ukuthuthwa kweempahla ezingasisemthethweni, iingidi neendakamizwa, kiyo yoke imikhawulo yethu, kunye nokungena enarheni ngokungasimthetho.