{"id":73557,"date":"2024-03-02T12:15:36","date_gmt":"2024-03-02T10:15:36","guid":{"rendered":"https:\/\/www.vfplus.org.za\/?p=73557"},"modified":"2024-03-02T14:28:29","modified_gmt":"2024-03-02T12:28:29","slug":"vf-plus-manifes-2024-die-tyd-om-te-herstel-en-bou-sonder-die-anc-het-aangebreek","status":"publish","type":"post","link":"https:\/\/www.vfplus.org.za\/af\/jongste-nuus\/vf-plus-manifes-2024-die-tyd-om-te-herstel-en-bou-sonder-die-anc-het-aangebreek\/","title":{"rendered":"VF Plus-manifes 2024: Die tyd om te herstel en bou sonder die ANC het aangebreek"},"content":{"rendered":"\n

(VF Plus-manifesbekendstelling, Heartfelt-arena, Centurion)<\/p>\n\n\n\n

N\u00e1 dertig jaar waarin die ANC Suid-Afrika tot op die punt van totale verval en bankrotskap regeer het, het die tyd vir verandering aangebreek, om die stukke op te tel en weer te bou.<\/p>\n\n\n\n

Die VF Plus se Manifes 2024 bring \u0149 realistiese plan en boodskap van hoop vir die toekoms. Hierdie pad gaan by die stembus begin op 29 Mei vanjaar.<\/p>\n\n\n\n

Die boodskap is dat Suid-Afrika herstel en herbou kan word.<\/p>\n\n\n\n

Hoe groter die krake van ANC-onbevoegdheid, korrupsie en onbevoegdheid begin wys het, hoe harder het die regering na iemand gesoek om die skuld op te pak vir sy mislukkings.<\/p>\n\n\n\n

Die waarheid is dat hierdie verval die direkte oorsaak is van die regering se beleid onder die vaandel van swart bemagtiging wat die perfekte teelaarde geskep het vir alles wat verkeerd gegaan het.<\/p>\n\n\n\n

Die VF Plus se manifes is die bouplan met daadwerklike oplossings om \u0149 beter toekoms te bou. Dit behels:<\/p>\n\n\n\n

\u2022 Veelpartyregerings wat die ANC uit bewind hou en die huidige verval herstel;
\u2022 \u0149 Vryemarkstelsel om die ekonomie weer op te bou;
\u2022 \u0149 Klein sentrale regering met \u0149 mindere rol in burgers se lewe;
\u2022 Die herstel van plaaslike regering;
\u2022 Selfstandige gemeenskappe as die boustene;
\u2022 Die bevordering van gemeenskappe se grondwetlike reg op selfbeskikking as die sement; en
\u2022 Die afskaffing van wetgewing wat diskrimineer op grond van velkleur.<\/p>\n\n\n\n

Die beste sleutel tot \u0149 beter toekoms en welvaart vir almal is om die ekonomie te herstel. Die ANC wil mense van hom afhanklik maak om te oorleef. Die VF Plus s\u00ea die publiek moet deur \u0149 gesonde ekonomie bemagtig word om hul eie welvaart deur gelyke geleenthede te skep.<\/p>\n\n\n\n

Suid-Afrika moet dringend verlos word van alle vorme van korrupsie wat endemies aan die ANC geraak het.<\/p>\n\n\n\n

Sonder krag kan geen land vooruitgaan nie. Die regering se vele beloftes oor verbetering het tot nou toe net teleurgestel<\/p>\n\n\n\n

Die ANC s\u00ea dit is sabotasie. Dit is waar. Die regering self het deur wanbestuur en korrupsie die ekonomie gesaboteer.<\/p>\n\n\n\n

\u0149 Groeiende ekonomie sal werkskepping bevorder. Geen regering kan volhoubaar werk skep nie. Die VF Plus se manifes bied die resep hiervoor soos die skep van \u0149 omgewing wat belegging en groei bevorder.<\/p>\n\n\n\n

Toeganklike, kwaliteit-onderrig is die hoeksteen om die land se jeug te bemagtig. Die VF Plus stel \u0149 stelsel van ouer- en gemeenskapsgedrewe moedertaalonderwys voor.<\/p>\n\n\n\n

\u0149 Samelewing wat goeie gesondheidsorg onts\u00ea word, kan nie werk en bou nie. Die toestand van staatshospitale en klinieke is \u0149 skande.<\/p>\n\n\n\n

Die ANC se oplossing is die nasionale gesondheidsversekering (NGV). Dit sal die krisis vererger. Die NGV moet beveg word, al is dit tot in die Grondwethof.<\/p>\n\n\n\n

Land, bos en see moet in die herbouproses aangewend word. Die voortbestaan van landbou in Suid-Afrika is onder beleg deur elemente van die natuur en \u0149 vyandige regering.<\/p>\n\n\n\n

\u0149 Onbetroubare klimaat; stygende insetkoste; gebrekkige staatshulp in die vorm van navorsing, rampverligting en onoordeelkundige tariefbeskerming; teikengerigte plaasaanvalle met \u0149 oormatige wreedheid asook die beleidsrigting van onteiening sonder vergoeding is enkele voorbeelde.<\/p>\n\n\n\n

Visserye word gekniehalter deur grootskaalse wanbestuur. Veral kleinskaal vissermanne en -vroue word tans uitgesluit deur die regering se regulasies en rompslomp. Dit dra by tot werkloosheid en armoede in hierdie betrokke gemeenskappe.<\/p>\n\n\n\n

Die omgewing moet beskerm word. Woestynvorming moet teengewerk en omgekeer word. Omgewingshulpbronne moet korrek bestuur word om \u0149 balans te handhaaf tussen die benutting om werk te skep en te bewaar.<\/p>\n\n\n\n

Daar is waarskynlik min Suid-Afrikaners wat nog nie persoonlik misdaad ervaar het nie. Die land se moordsyfer is die tweede hoogste in die w\u00eareld en niemand is veilig nie. Internasionale organisasies stel die ANC al gelyk aan \u0149 misdaad-mafia.<\/p>\n\n\n\n

Dit kan nie so voortgaan nie. Bouwerk kan nie plaasvind in \u2019n omgewing waar misdaad gedy nie.<\/p>\n\n\n\n

Menswaardigheid moet gebou word deur taalregte en veeltaligheid. Die VF Plus praat nie net hieroor nie en is die enigste party wat al \u0149 Pansat-toekenning vir die bevordering van veeltaligheid ontvang het.<\/p>\n\n\n\n

Die VF Plus bied daarom ook sy Manifes 2024 aan in al twaalf landstale wat gebaretaal insluit. Dit is selfs in Braille beskikbaar. Daar is nie slegs twee amptelike tale nie. Elke taal moet gelyke erkenning geniet.<\/p>\n\n\n\n

Die res van die VF Plus se manifes bied antwoorde oor handel, verdediging, grensbeheer en ander belangrike aspekte wat \u0149 voorspoedige toekoms vir al sy inwoners sal verseker.<\/p>\n\n\n\n

Ja, Suid-Afrika kan herstel word. Hy kan weer opgebou word. Dit kan nie langer uitgestel word nie. Die land het \u0149 kruispad bereik.<\/p>\n\n\n\n