Veranderings aan die Nasionale Gesondheidswet wat stilweg deur pres. Jacob Zuma onderteken is en wat aan dokters en ander professionele mense in die gesondheidsbedryf voorskryf waar hulle mag werk en praktyke mag open, is ongrondwetlik en maak inbreuk op hul reg op werk, sê adv. Anton Alberts, die VF Plus se parlementêre woordvoerder oor gesondheid.<\/p>\n
Luidens ‘n berig in die Times Live vandag, sal mense in die mediese bedryf voortaan aangesê word waar hulle mag werk en kan ‘n vonnis van tot vyf jaar opgelê word indien hulle na April 2016 ‘n private praktyk sonder toestemming bedryf.<\/p>\n
Dit sal beteken dat mense soos dokters, tandartse, diëetkundiges en fisioterapeute wat ‘n private praktyk of kliniek wil open of bedryf, by die department van gesondheid moet aansoek doen om ‘n “sertifikaat van behoefte” om toestemming te verkry om in ‘n sekere gebied te werk.<\/p>\n
In die praktyk sal dit byvoorbeeld beteken dat ‘n dokter wat by sy pa of ma se praktyk wil aansluit, eers aansoek moet doen om ‘n sertifikaat en sodoende eers toestemming by die regering sal moet verkry, lui die berig.<\/p>\n
Nog ‘n voorbeeld van die absurde effek van die wet is, dat wanneer ‘n dokter ‘n gevestigde praktyk wil koop, hy of sy eers aansoek moet doen om die sertifikaat, wat daarop neerkom dat die staat kan reguleer aan wie iemand sy praktyk mag verkoop, en wie dit mag koop.<\/p>\n
Adv. Alberts sê die VF Plus sal die aangeleentheid in die parlementêre portefeuljekomitee oor gesondheid bespreek en hy sal ook vrae aan die minister stel oor die praktiese uitvoerbaarheid van die plan en die grondwetlikheid daarvan.<\/p>\n
“Die staat moet sorg dat daar oral in die land klinieke en hospitale moet wees. Hierdie is ‘n doelbewuste poging van die staat om die private gesondheidsektor so te manipuleer dat dit namens die staat moet toesien dat gesondheidsdienste oral geredelik beskikbaar is.<\/p>\n
“Dit is onaanvaarbaar en vertrap die reg van professionele mense om vryelik hul beroep in hul eie land te beoefen, sê adv. Alberts.<\/p>\n
<\/p>\n
Kontaknommer: 082 391 3117 \/ 082 419 5403<\/p>\n","protected":false},"excerpt":{"rendered":"
Veranderings aan die Nasionale Gesondheidswet wat stilweg deur pres. Jacob Zuma onderteken is en wat aan dokters en ander professionele mense in die gesondheidsbedryf voorskryf waar hulle mag werk en praktyke mag open, is ongrondwetlik en maak inbreuk op hul reg op werk, sê adv. Anton Alberts, die VF Plus se parlementêre woordvoerder oor gesondheid. […]<\/p>\n","protected":false},"author":14,"featured_media":3561,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"_relevanssi_hide_post":"","_relevanssi_hide_content":"","_relevanssi_pin_for_all":"","_relevanssi_pin_keywords":"","_relevanssi_unpin_keywords":"","_relevanssi_related_keywords":"","_relevanssi_related_include_ids":"","_relevanssi_related_exclude_ids":"","_relevanssi_related_no_append":"","_relevanssi_related_not_related":"","_relevanssi_related_posts":"","_relevanssi_noindex_reason":"","footnotes":"","_ppma_block_editor_authors":""},"categories":[100],"tags":[],"ppma_author":[105],"class_list":["post-62418","post","type-post","status-publish","format-standard","has-post-thumbnail","hentry","category-mediaverklarings"],"acf":[],"yoast_head":"\n