Die VF Plus het die Gautengse LUR van onderwys, Panyaza Lesufi, weer beskuldig dat hy op 'n moedswillige wyse taal en ras verwar ten einde 'n vals grondslag te skep om Afrikaanse openbare skole uiteindelik te vernietig.<\/p>\n
Tydens 'n mediakonferensie wat gister gehou is deur die provinsiale regering, het Lesufi dit gestel dat sy departement die beginsels vervat in die Wysigingswetsontwerp op Basiese Onderwys steun.<\/p>\n
Daarvolgens sal alle openbare skole se skool- en toelatingsbeleid onder die staat se gesag val.<\/p>\n
Lesufi se persoonlike visie in Gauteng is dat hy op grond van dié magte sal sorg dat ten minste drie tale by openbare skole gelyk aangebied moet word ten einde te sorg dat geen skool op grond van taal net uit een ras leerders bestaan nie.<\/p>\n
Gegewe Lesufi se vorige uitsprake en optredes teen Afrikaanse skole, aanvaar die VF Plus dat die LUR se verwysing hier weer implisiet gemik is op Afrikaanse skole, waarvan daar in 2019 net 127 enkelmedium Afrikaanse skole uit 'n totaal van 2071 openbare skole in Gauteng was.<\/p>\n
Daarby het die LUR op heelwat geleenthede tydens sittings van die Gautengse wetgewer en die oorsigkomitee vir onderwys teen Afrikaans en Afrikaners uitgevaar.<\/p>\n
Sy Twitter-tydlyn spreek boekdele van sy vooroordeel teen Afrikaans en Afrikaners.<\/p>\n
Die VF Plus verwerp hierdie argument aangesien daar geen openbare Afrikaanse skole bestaan wat net een ras as leerders toelaat nie.<\/p>\n
Trouens, daar bestaan talle skole in Gauteng wat net uit swart leerders bestaan. In elke geval is 'n skool se leerder-samestelling 'n gevolg van die omgewing se demografie en word taal nie gebruik om uit te sluit nie.<\/p>\n
Veral Afrikaans kan nie beskuldig word as 'n taal van uitsluiting nie, aangesien die grootste Afrikaanssprekende komponent tans uit nie-wittes bestaan.<\/p>\n
Lesufi se probleem is egter dat hy nie hou van Afrikaanse skole waarvan die meerderheid wit of bruin en Afrikaanssprekend is nie, met ander woorde skole wat beheer word deur Afrikaners of bruin Afrikaanssprekendes.<\/p>\n
Die ANC glo dat elke skool die nasionale demografie van die land moet weerspieël en dit is uiteindelik wat Lesufi beoog met sy meertalige plan vir elke skool.<\/p>\n
Hy verstaan goed dat Engels as brugtaal die middelpuntvlietende krag sal word en gevolglik sal elke openbare skool uiteindelik ver-Engels wat die vernietiging van alle Afrikaanse skole sal beteken.<\/p>\n
Die VF Plus vind dit ook verbasend dat Lesufi aandui dat meer skole gebou moet word.<\/p>\n
Net verlede jaar het hy in die onderwyskomitee gesê dat daar genoeg skole-infrastruktuur in Gauteng bestaan, maar dat ouers nie hulle kinders na township-skole wil stuur nie, selfs al is van die skole nuut gebou.<\/p>\n
Die rede daarvoor is die persepsie onder ouers dat dié skole swakker standaarde het.<\/p>\n
Die VF Plus het Lesufi tydens ‘n onderwyskomiteevergadering aangemoedig om die persepsie aan te spreek sodat sekere skole nie toegeval word onder aansoeke vir toelating terwyl vele ander skole byna leeg staan nie. Hy het aangedui dat sy departement daaraan werk.<\/p>\n
Dit blyk nou volgens Lesufi dat daar wel 'n tekort aan skole-infrastruktuur bestaan soos wat die VF Plus altyd aangevoer het.<\/p>\n
Die oplossing van die probleem rakende toegang tot skole is dus nie 'n taal- en rasprobleem nie, maar die feit dat die departement nie genoeg doen om skole te bou nie. Dit is die kern van die probleem wat toegang tot skole moeilik maak.<\/p>\n
Die VF Plus sal hierdie kwessie verder in die wetgewer opneem en die vernietiging van enkelmedium skole ten koste van Afrikaans ferm teenstaan.<\/p>\n<\/p>\n
<\/p>\n","protected":false},"excerpt":{"rendered":"
Die VF Plus het die Gautengse LUR van onderwys, Panyaza Lesufi, weer beskuldig dat hy op 'n moedswillige wyse taal en ras verwar ten einde 'n vals grondslag te skep om Afrikaanse openbare skole uiteindelik te vernietig. Tydens 'n mediakonferensie wat gister gehou is deur die provinsiale regering, het Lesufi dit gestel dat sy departement […]<\/p>\n","protected":false},"author":14,"featured_media":0,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"_relevanssi_hide_post":"","_relevanssi_hide_content":"","_relevanssi_pin_for_all":"","_relevanssi_pin_keywords":"","_relevanssi_unpin_keywords":"","_relevanssi_related_keywords":"","_relevanssi_related_include_ids":"","_relevanssi_related_exclude_ids":"","_relevanssi_related_no_append":"","_relevanssi_related_not_related":"","_relevanssi_related_posts":"","_relevanssi_noindex_reason":"","footnotes":"","_ppma_block_editor_authors":""},"categories":[100],"tags":[],"ppma_author":[105],"class_list":["post-61099","post","type-post","status-publish","format-standard","hentry","category-mediaverklarings"],"acf":[],"yoast_head":"\n