fbpx
Vryheidsfront Plus

President Ramaphosa se oneerlikheid oor Reserwebank is roekeloos en veroorsaak wispelturigheid

Die VF Plus veroordeel die standpunt van president Cyril Ramaphosa dat die Reserwebank genasionaliseer moet word en dat sy mandaat nie net op inflasiebestuur gerig moet wees nie.

Dié uitlating is in teenstelling met die president se onderneming teenoor internasionale beleggers in Davos en is die pad wat lande soos Venezuela en Zimbabwe ook gestap het. Die reaksie op die Rand na dié aankondiging was soos dié van ‘n verskrikte bok wat van ‘n leeu ontsnap. Die vraag is of die Rand se waarde net verder gaan wegvlug en alle Suid-Afrikaners verarm?

Niks waaraan die ANC raak is nie besmet met selfverryking en korrupsie nie, en dit sal geensins anders wees wanneer die ANC-regering die Reserwebank nasionaliseer nie. Die vraag kan tereg gevra word of die ANC nie net hulle gierige hande wil lê op die valuta en ander fondse wat tans in die Reserwebank is nie.

Net soos die Openbare Beleggingskorporasie (OBK) volle beheer het om die staatsdienspensioenfonds te plunder, so sal die ANC toegang hê tot die fondse in die Reserwebank.

Die ANC kan eenvoudig nie vertrou word om beheer te neem oor die Reserwebank nie. Indien die onafhanklikheid van dié bank wat grondwetlik gewaarborg word in artikel 224(2) op enige wyse deur die ANC-regering bedreig word, sal dit groot skade veroorsaak vir die Rand, die land se ekonomie en ons aansien in die internasionale beleggersgemeenskap.

So ‘n stap sal sekerlik in die grondwetlike hof beveg word en die VF Plus sal alles in sy vermoë doen om in die belang van alle Suid-Afrikaners te help om hierdie plan van die ANC teen te staan.

Kontaknommers: 082 391 3117 / 065 801 7216

 

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.