fbpx
Vryheidsfront Plus

Nala: Strafregtelike klag sloer

Die VF Plus het reeds op 28 Februarie vanjaar ‘n strafregtelike klag ingedien teen die waarnemende munisipale bestuurder van Nala-plaaslike munisipaliteit, Sandile Busakwe.

Dié klag wat by die Wesselsbronse polisie teen Busakwe ingedien is, is vir die oortreding van die Nasionale Omgewingsbestuurswet, die Afvalbestuurswet en die Nasionale Waterwet. Die klagte hou verband met riool wat etlike jare reeds langs die Wesselsbron-rioolaanleg op die dorp in die veld uitgepomp word.

Ná sowat vyf maande het die VF Plus navrae gerig oor die vordering van die ondersoek. By navraag het die ondersoekbeampte om foto’s en briewe gevra waar inwoners, sowel as die aangrensende gholfbaan, moet ‘bevestig dat hulle werklik gegrief is’.

Die VF Plus het verskeie briewe verskaf. Dit wil voorkom of dié klag onnodig en sonder goeie rede vertraag word. Intussen word die riool steeds gereeld in die veld uitgepomp en word die grondwater ook deurlopend besoedel.

Suid-Afrika is ‘n waterskaars land waar die huidige waterbronne reeds onder geweldige druk verkeer.

Hierdie grootskaalse besoedeling van die omgewing en water is onaanvaarbaar en moet ten alle koste verhinder word.

Navrae: 082 770 6201

 

 

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.