fbpx
Vryheidsfront Plus

MRK sloer met ondersoek na waterkrisis in Breyten

Dit is onaanvaarbaar dat die menseregtekommissie (MRK) al sedert Oktober 2022 sloer met 'n ondersoek na die waterkrisis in Breyten in die Msukaligwa plaaslike munisipaliteit (Breyten, Chrissiesmeer, Davel, Ermelo, Lothair).

Reeds voor die 2021-plaaslike verkiesing het die inwoners onder erge watertekorte gebuk gegaan.

Nie eens die nuut verkose raad kon daarin slaag om ‘n permanente oplossing vir dié waterkrisis te vind nie.

Die VF Plus het ná vele mislukte vertoë aan die lid van die munisipale komitee van tegniese dienste, Thenjiwa Motha, ‘n grief oor dié probleem by die destydse waarnemende
munisipale bestuurder, Bonginkosi Sibeko, op 13 Julie 2022 ingedien. Water was daarna vir ‘n beperkte aantal dae beskikbaar.

In September 2022 het die krisis vererger. Gereelde oproepe na die inbelsentrum, skrywes en griewe waarin die watertekorte aangemeld is, het op dowe ore geval.

Die VF Plus het weer op 13 September 2022 'n grief oor dié probleem ingedien by die opvolgende waarnemende munisipale bestuurder, mnr. C.J. Lisa, sonder enige optrede.

Dit is duidelik dat die verantwoordelike amptenare nie ernstig oor dienslewering is nie.

Weens die traagheid van die amptenare om hierdie probleem aan te spreek, was die VF Plus in Oktober 2022 genoop om dié probleem by die MRK te rapporteer. Die kommissie is gevra om ‘n dringende ondersoek na die oorsake van hierdie probleem in te stel sodat ‘n permanente oplossing gevind kon word.

Hierdie ondersoek vorder egter teen ‘n slakkepas en die inwoners is ná sewe maande steeds sonder water.

Daar is selfs ‘n inwoner wat al vir drie jaar sonder enige water is.

Dit word al hoe duideliker dat die ANC se slagspreuk, Batho Pele (mense eerste) geen betekenis vir die ANC-amptenary en -politici van Msukaligwa het nie.

Die VF Plus sal, ongeag al die frustrasies en struikelblokke, voortgaan om ‘n beter lewe vir almal te verseker.

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.