fbpx
Vryheidsfront Plus

Kragkabeldiefstal veroorsaak miljoene rand se skade in Hendrina

Die VF Plus het in ‘n skrywe aan die waarnemende munisipale bestuurder van die Steve Tshwete-plaaslike munisipaliteit (Hendrina, Middelburg, Pullens Hope, Rietkuil), Thokozile Zulu, daarop aangedring dat planne in plek gestel word om die diefstal van kragkabels en die vandalisme van kraginfrastruktuur te voorkom.

Die party het self ook voorstelle gemaak oor hoe dié soort misdaad voorkom kan word.

Die afgelope Sondag en Maandag is sowat 1km se kragkabels gesteel en kragpale afgekap. Die skade beloop miljoene rand.

Die betrokke kraginfrastruktuur is in November verlede jaar aangelê vir die uitbreiding van die Kwazamokhutle-woonbuurt, in Hendrina.

Die diewe wou waarskynlik die koper in die kabels steel, maar die kabels bevat net aluminium en is op die misdaadtoneel agtergelaat.

Die VF Plus het in sy voorstelle gevra vir die oprig van sekuriteitskameras en die ontplooiing van meer sekerheidspersoneel by substasies in die munisipaliteit.

Die munisipaliteit moet ook die plaaslike polisie vra vir meer patrollies in gebiede wat gereeld onder kabeldiefstal deurloop.

Die VF Plus het ook buurtwagte en gemeenskappolisiëringsforums (GPF) versoek om enige verdagte aktiwiteite dadelik by die polisie aan te meld.

Dit is onaanvaarbaar dat die munisipaliteit nie proaktief optree om die soort misdaad te verhoed nie, maar eers optree wanneer die misdaad gepleeg is en inwoners in die donker sit.

Dit is die munisipaliteit se verantwoordelikheid om toe te sien dat kritieke infrastruktuur soos substasies en watersuiweringsaanlegte beveilig word.

Die VF Plus sal nie toekyk hoe die voortdurende kabeldiefstal en gepaardgaande kragonderbrekings inwoners verontrief en die ekonomiese groei van die munisipaliteit strem nie.

 

 

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.