fbpx
Vryheidsfront Plus

Inwoners van Kokosi en Deelkraal ontwrig Merafong-raadsvergadering

Die VF Plus in die Merafong-plaaslike munisipaliteit (Carletonville, Fochville, Wedela) kon gister nie ‘n spesiale raadsvergadering bywoon nie weens inwoners van Kokosi en Deelkraal wat ‘n raadsvergadering ontwrig het.

Die spesiale raadsvergadering was vir die goedkeuring van die aansuiweringsbegroting.

Inwoners wou met die burgemeester, me. Nozuko Best, praat oor die gebrek aan dienslewering en veral krag- en vullisverwyderingsprobleme. Daar is sekere woonbuurte wat dae of ‘n week al sonder krag is.

Selfs ouetehuise word nie ontsien nie. Die Senatus-ouetehuis is al 32 ure sonder water.

Voor die aanvang van die vergadering het inwoners die galery vol gesit en ook die raadslede se area beset.

Inwoners het oproerig geraak nadat die burgemeester hulle nie wou toespreek nie. ‘n Sekuriteitsbeampte is tydens die oproer aangerand en beseer.

Die speaker, Elvis Mphithikezi, moes die vergadering verdaag. ‘n Spesiale raadsvergadering is toe gistermiddag virtueel gehou.

Die VF Plus het juis teen die aansuiweringsbegroting gestem omdat dit nie noodsaaklike diensleweringsprojekte behandel nie en dienslewering net verder gaan versleg.

Die VF Plus verstaan die gemeenskap van Merafong se frustrasies oor die munisipaliteit se gebrekkige dienslewering, maar geweld is nie die oplossing nie.

Die ANC-beheerde Merafong se gebrekkige dienslewering gaan ongelukkig aanleiding gee tot meer sulke voorvalle.

Die enigste oplossing is om van die ANC ontslae te raak. Merafong verdien beter as die ANC.

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.