fbpx
Vryheidsfront Plus

Boeregemeenskap neem hande om Jasperpad buite Nylstroom te herstel

Die afgelope drie maande se ongewone reënval in die Modimolle-Mookgophong-plaaslike munisipaliteit het die boeregemeenskap van Jasper genoop om hande te vat om ‘n belangrike pad in dié omgewing te herstel.

Sedert Desember 2022 is die grondpad (D1324) vanaf die R101 van Mookgopong (Naboomspruit) na Modimolle (Nylstroom) via die Jasperpad verby Kranskop onbegaanbaar weens hewig reën, verspoelings en vol riviere.

Die feit dat trokke die pad gebruik om ‘n rit deur die dorp te omseil, het grootliks daartoe bygedra.

Boere, onder leiding van mnr. Neels Smit en die VF Plus het besluit om self iets aan die saak te doen.

Smit gebruik sy eie trekker, masjinerie en arbeid terwyl ander boere brandstof bydra om die projek te laat vlot.

Die VF Plus het ook die amptenary van die munisipaliteit se departement van openbare werke (paaie-afdeling) genooi om die projek te besoek.

Tydens die oorsigbesoek op 14 Februarie het die amptenare hul aanbevelings gedeel:

1. Boere sal tydelik gehelp word om die padoppervlak rybaar te maak. Masjinerie sal verskaf word en borde sal aangebring word om swaarvoertuig-verkeer op die pad te keer.
2. Die pad sal heeltemal herbou word buite die reënseisoen met pype wat onderdeur die pad loop om die vloei van water te reguleer.

Hierdie inisiatief van boere, die gemeenskap en die VF Plus, wys dat mens nie altyd net moet kritiseer nie, maar self moet inspring om ‘n verandering mee te bring.

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.