fbpx
Vryheidsfront Plus

Benoni sonder water weens Randwater se nalatigheid

Randwater, die Ekurhuleni-metro se grootmaatwaterverskaffer, se swak beplanning en nalatigheid om waterinfrastruktuur te onderhou, is die groot oorsaak dat dele van Benoni reeds vir dae min of geen water het nie.

Alhoewel beurtkrag ook ‘n rol speel in die watertekorte, is Randwater se verouderde waterinfrastruktuur die grootste sondebok.

Die Northmead-pompstasie, wat water verskaf aan Benoni se middedorp, Northmead, Farrarmere, Brentwoordpark, Rynfield en Goedeburg, is tans buite werking weens lae waterdruk.

Die Ekurhuleni-metro verskaf tans water aan die inwoners van die gebiede met watertrokke.

Die VF Plus, as koalisievennoot in die metro, sal sorg dat Randwater verantwoordelik gehou word vir sy nalatigheid en sal, indien die watertekorte nie binnekort opgelos word nie, ‘n klag teen Randwater by die menseregtekommissie (MRK) indien.

Randwater se visie is om 'n verskaffer van volhoubare, universeel mededingende water- en sanitasieoplossings vir Afrika te wees.

Tans is dit nie die geval nie en skend hy inwoners van Ekurhuleni se grondwetlike reg op toegang tot voldoende water.

Ekurhuleni se inwoners, en in hierdie geval veral Benoni se inwoners, word gestraf vir Randwater se versuim om kritieke infrastruktuur te onderhou.

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.