Die parlementêre portefeuljekomitee vir basiese onderwys se openbare deelnameproses oor die Wysigingswetsontwerp op Basiese Onderwys (algemeen as die Bela Bill bekend) het Woensdag gesluit.
Die VF Plus het meer as vyfhonderd voorleggings van belanghebbendes ingedien, maar versoek dat meer tyd vir skriftelike voorleggings gebied sal word.
Volgens 'n vorige besluit gaan openbare verhore in al nege provinsies die volgende stap wees. Die kans is goed dat talle mense met groot belang by die saak, dan eers daarvan sal kennis neem.
Openbare verhore is beperk wat tyd en ruimte betref en 'n geldige behoefte om skriftelike voorleggings te doen, kan ontwikkel.
Daarom is dit belangrik dat skriftelike voorleggings gedoen kan word, solank die proses vir openbare deelname oop is.
;
