fbpx
Vryheidsfront Plus

Administrateur amptelik aangestel om Mafube-munisipaliteit reg te ruk

Die Mafube-plaaslike munisipaliteit, wat Frankfort, Villiers, Cornelia en Tweeling insluit, is amptelik deur die Vrystaatse provinsiale regering onder administrasie geplaas, aldus Jan Oost, VF Plus-raadslid in die munisipaliteit.

Oost het bevestig dat mnr. EM Notsi amptelik as administrateur ingevolge artikel 139 van die Grondwet aangestel is.

Mafube is as gevolg van jarelange swak bestuur in ‘n benarde finansiële posisie met ‘n salarisrekening wat bykans 60% van die munisipaliteit se begroting in beslag neem.

Volgens Oost kon die munisipaliteit nie betyds salarisse vir April betaal nie en is daar steeds amptenare wat nog nie hul salarisse ontvang nie.

“Dit het ‘n ernstige impak op dienslewering en die alledaagse funksionering van die munisipaliteit. Dit skep ook ‘n maatskaplike kwessie omdat werknemers van die munisipaliteit nie sonder vergoeding vir hul gesinne kan sorg nie,” het Oost gesê.

Provinsiale ingryping in die munisipaliteit se finansies was dringend nodig, maar sal nie die probleem oornag oplos nie. Dit is die administrateur se taak om toe te sien dat die munisipaliteit nou aan gevestigde standaarde vir die lewering van diens aan die gemeenskap van Mafube voldoen.

 

Kontakbesonderhede: 079 517 8059 / 082 674 6670

 

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.