fbpx
Vryheidsfront Plus
Search
Vryheidsfront Plus

VF Plus sal Speaker vra om op te tree teen Shivambu en ander wat joernalis op parlementsgronde aanrand

Die VF Plus veroordeel die voorval vanoggend waar Floyd Shivambu van die EFF ‘n joernalis op die parlementsgronde aangerand het, ten sterkste en sal onmiddellik ‘n brief rig aan die Speaker van die parlement, Baleka Mbeti, om haar te versoek om teen Shivambu op te tree.

Na verneem word het die joernalis, Adrian de Kock, ‘n videograaf van Netwerk24, aangedui dat hy ‘n saak van aanranding by die polisie aanhangig gaan maak.

Op videomateriaal wat deur ander joernaliste geneem is, kan duidelik gesien word hoe Shivambu en nog ‘n man De Kock rondruk, aan sy keel gryp en sy kamera van hom probeer afneem.

"Die VF Plus beskou die saak in ‘n baie ernstige lig. Dit is ‘n direkte aanval op mediavryheid en vryheid van spraak. Die EFF het pas ook die nuuskanaal eNCA aangeval oor sogenaamde eensydige beriggewing. eNCA ontken dit ten sterkste," sê Corné Mulder, VF Plus Hoofweep in die parlement.

"Die VF Plus sal benewens die versoek aan die Speaker ook toesien dat die polisie die saak met die nodige erns en dringendheid ondersoek.

"Joernaliste het oor die laaste jare ‘n uiters belangrike rol gespeel om staatskaping, bedrog en korrupsie in Suid-Afrika bloot te lê.

"Die rol wat die media as waghond in Suid-Afrika speel, is van kritieke belang vir die gemeenskap, en hulle moet toegelaat word om hul werk sonder vrees te doen," sê Mulder.

 

 

 

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.