fbpx
Vryheidsfront Plus

SA betaal nou die prys vir jarelange misbruik van polisie se intelligensie-strukture

Die Vryheidsfront Plus (VFPlus) sê die aanval op die Ngcobo-polisiekantoor in die Oos-Kaap waarin vyf polisielede en ‘n oud-soldaat dood is, is ‘n bewys dat misdadigers nie meer bang is vir die polisie nie en dat georganiseerde misdaad besig is om handuit te ruk .

Die VF Plus leier, Pieter Groenewald sê dit is ook ‘n bewys dat Suid-Afrika nou die prys betaal vir die verbrokkeling van misdaadintelligensie-strukture wat veronderstel is om georganiseerde misdaad en sindikate te ontbloot. Dit word nie meer na behore gedoen nie. 

Groenewald sê dit is ook kommerwekkend dat misdadigers so gespesialiseerd kan optree dat hulle sonder vrees ‘n polisiekantoor aanval, polisielede vermoor, al die wapens en ‘n polisievoertuig roof en boonop twee lede te ontvoer wat later tereggestel is.

"Tot in hierdie stadium is die skuldiges nog op vrye voete.

"Hierdie moet ‘n wekroep wees vir die regering en die polisie dat die misbruik van intelligensie-strukture vir politieke doeleindes ‘n duur prys is vir gewone Suid-Afrikaners is om te betaal aangesien dit ‘n situasie geskep het waarin misdaad floreer, sê Groenewald.

"Die VF Plus vereis streng optrede om die polisie drasties reg te ruk om misdaad effektief te bestry soos dit deur die Grondwet vereis word."

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.