fbpx
Vryheidsfront Plus

NWU volg in voetspore van UV en UP met Afrikaans

"Die Noordwes Universiteit (NWU) volg in die voetspore van die Universiteit van die Vrystaat (UV) en die Universiteit van Pretoria (UP) met hulle taalbeleid oor Afrikaans. Die visekanselier prof. Dan Kgwadi is skynheilig as hy alumni probeer gerus stel dat die NWU se beleid veeltalig sal bly. Dit is presies dieselfde versekering wat die UV en UP aan sy alumni gegee het, sê Pieter Groenewald LP, VF Plus-leier

Groenewald sê die modus operandi is duidelik: Die taalbeleid van die NWU se nuwe statuut van Maart 2017 bepaal die taalbeleid moet buigsaam wees en taalbalanse van die verlede regstel. Die taalbeleid moet ook ”meertaligheid, toegang, integrasie en ’n gevoel van tuiswees bevorder.

"Wanneer dit by die praktiese toepassing van die beleid kom, word veranderde beleid ingestel. Uitgelekte dokumente toon dat die beplanning is dat Afrikaans stelselmatig uitgefaseer sal word in kursusse en ’n oorgang beplan word, waarna daar teen 2021 geen meer Afrikaanse klasse op eerstejaarsvlak aangebied sal word nie. Dit is dieselfde pad wat Kovsies (UV) en Tukkies (UP) gevolg het.

"Die sogenaamde konsultasieproses is net ’n rookskerm soos destyds met die kleure van die NWU. Die groot meerderheid was ten gunste van die maroen en teen die pers, maar pers is net eenvoudig geïmplementeer.

"Afrikaanssprekendes het ’n grondwetlike reg tot Afrikaanse onderrig, maar dit word vertrap en selfs deur die Grondwethof misken soos in die geval van Kovsies.

"Uit 38 universiteitkampusse is dit beslis nie te veel gevra om minstens een as oorwegend Afrikaans te behou nie," sê Groenewald.

 

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.