VF Plus in die Vrystaat het sy premierskandidaat en provinsiale lyste vir die komende verkiesing bekend gemaak

2014-03-11
Die Redaksie

Mediaverklaring

Onlangse marknavorsing toon dat te midde van die politieke speelveld wat tans drasties anders lyk as in 2009, die VF Plus se steun grootliks toegeneem het. Die VF Plus is die enigste party wat die heropening van grondeise en strenger Swart Ekonomiese Bemagtigingsbeleid (SEB) sowel as regstellende aksie (RA) teenstaan in belang van Suid-Afrika in geheel.

Die VF Plus in die Vrystaat het sy premierskandidaat en provinsiale lyste vir die komende verkiesing bekend gemaak na afloop van ‘n provinsiale kongres en ‘n federale raadsvergadering waar hierdie lyste bepaal en goedgekeur is.

Mnr Wouter Wessels, nasionale jeugleier en lid van die provinsiale wetgewer vir die VF Plus, is tydens die provinsiale kongres eenparig as die premierskandidaat aangewys. 

Mnr Jan van Niekerk, provinsiale leier van die VF Plus in die Vrystaat het, gesê die VF Plus het die volste vertroue dat Wessels, wat reeds by mnr. Abrie Oosthuizen as wetgewerlid oorgeneem het, meer as opgewasse is om sy kandidatuur op te neem. 

Wessels dien op die uitvoerende dagbestuur, federale dagbestuur en tree as die nasionale tegniese verkiesingsbestuurder van die VF Plus op. Hy het aan die UV studeer en was voorheen as ‘n direkteur werksaam by die nasionale departement van landbou, bosbou en visserye.

Wessels het homself deur die jare bewys as `n persoon wat nie terugstaan vir die ANC nie.  Hy het tydens die debat oor die openingsrede van die Vrystaatse premier geëis dat die premier, mnr. Ace Magashule, die eerbare ding doen en bedank aangesien hy die Vrystaat in die steek gelaat het.

Van Niekerk het bygevoeg dat die Vrystaat se lys van kandidate vir die provinsiale wetgewer goed gebalanseerd is en sterk kandidate insluit.

Die Vrystaatse kandidatelys is as volg: 

  1. Wouter Wessels
  2. Jan van Niekerk
  3. Tammy Breedt
  4. Suné Lotter
  5. Theo du Toit
  6. Koos Pienaar
  7. Susan Taljaard
  8. Valerie Maas
  9. Cornel Fourie
  10. Jainni Olivier
  11. Janneman Kotze
  12. Desmond Reed
  13. Daleen Steyn
  14. Phillip van der Merwe
  15. Dévar Smit
  16. Johan Powell
  17. Wian Nel
  18. Elizabeth Snyman-van      Deventer
  19. Johnny Steynberg
  20. Inalia Louw
  21. Japie van den Berg
  22. Donald Stevans
  23. Thys Vermeulen
  24. Marizelle van Niekerk
  25. Frik Lotz
  26. Lettie Bester
  27. Johan Taljaard
  28. Clark Ellis
  29. Thinus Barnard
  30. Johan Venter

Die VF Plus is vol vertroue dat die party gaan groei in die komende verkiesing. Die nasionale leier, dr. Pieter Mulder tesame met Wessels en van die ander Vrystaat kandidate, besoek vandag kiesers in Bloemfontein as deel van die party se afskop van sy veldtog in die Vrystaat en ‘n proses om die kiesers aan die party se verkiesingsmanifes bloot te stel.

 

JAN VAN NIEKERK

VRYSTAATSE LEIER: VF PLUS

083 743 2042 / (056) 625 0064

 

WOUTER WESSELS, LPW

082 674 6670